原本杜琪峯欲做金馬獎評審團主席 煞變卦

今年「第56屆的金馬獎」,本底是邀請香港出名的杜琪峯導演,欲來擔當「評審團的主席」,毋過伊表明講,因為都和手頭咧拍的電影,投資的人有契約,這馬欲來擔「評審團」這擔是有較不便,著愛請辭這个職務。

今年金馬獎籌備的過程,有影是困難重重,代先是中國佮香港的電影,宣布講無欲來參加比賽,閣來煞換杜琪峰導演,講欲辭評審團的主席,金馬獎執行委員會,佮會內的主席李安導演攏是講,會當理解杜導演的處境,嘛祝福伊咧拍的新片,一切順序。抑「評審團的主席」這缺,目前是換邀請這屆金馬獎終身成就獎的得主、王童導演來擔任。
李安:著名臺灣導演,曾獲得多個主要國際電影獎項,包括三座奧斯卡金像獎、五座英國電影學院獎、五座金球獎、兩座威尼斯影展最佳電影金獅獎以及兩座柏林影展最佳電影金熊獎。 ...更多

社群回應
PChome會員回應