好話一牛車:臺灣勸世四句聯

畢業轉來燒火碳,窯內流汗外面寒。
爸囝拍拼為飯碗,感冒草頭薅來煎。
山頂無電點燈火,暗時寫字目睭花。
大人做啥攏愛綴,竹編雙手攏㨨皮。
自細趣味是畫圖,揣無師傅無敝步。
只好塗跤做畫布,無筆著用火炭箍。
退伍油漆做學徒,放去鋤頭揣出路。
色料滒甲規條褲,較贏做穡鼻田塗。

<二>
油漆工課誠大堆,有時塔架夯樓梯。
�懸�低畫山水,主家看甲喙開開。
早期篾器做竹編,竹扇頂頭寫惜緣。
囡仔拍蠓頭頏頏,阿公攑咧練話仙。
丹青和我蓋有緣,無師自通自苦練。
全國巡迴去表演,互相交流種福田。
首創彩畫佇竹編,放棄青春佮少年。
各展聯展數十遍,鄉土歌詩意綿綿。
臺灣鄉土四句聯,是我多年的苦練。
為著傳承寫文獻,留予後輩青少年。
臺語複雜真無辜,只好參考教育部。
向望先賢相照顧,互相討論求進步。
好言好語寫規部,攏是勸善批評無。
看了互相鬥相報,家庭美滿萬事和。
母語種子著愛掖,推出好話一牛車。
費盡心思落去寫,伴手送禮毋免賒。



慈母心

sè kan uí tāi sī tshin tsîng
世 間 偉 大 是 親 情
siōng kài pó kuì tsû bió sim
上 蓋 寶 貴 慈 母 心
sann tǹg khiām tsiah kah khiām īng
三 頓 儉 食 佮 儉 用
it tshè khóo thng ka kī lim
一 切 苦 湯 家 己 ?

延伸閱讀
最新生活新聞
人氣生活新聞
行動版 電腦版