貓熊圓滾滾誠古錐 專家解說緣故添趣味

台北動物園,逐年攏真濟人趁過年去行春,專工去看貓熊,貓熊是真古錐,觀眾朋友為啥物貓熊規身軀、干焦烏白兩色,咱鬥陣來聽專家的紹介。

古錐的貓熊(hîm)、圓輾輾的身軀,誠濟人看了真佮意,毋過你敢知影in為怎樣會生甲遮古錐?專家特別揀幾項逐家定定好玄的問題報予你知。

動物園解說,貓熊目墘的烏毛、是欲防光線,體形佮色水鬥搭看起來誠得人疼,其實也是一種保護色,另外逐家好玄的,閣有這个。

毋過也因為竹仔的營養無蓋懸、閣緊消化,飼養員一工著愛飼五六頓,動物園也講,可能是愛定定食物件的關係,所以閣有一點真特別,逐家敢有發見,拄出世的貓熊攏生甲粉粉,袂輸若早產咧,其實母貓熊對帶膭(tuà-kuī)到生產,著真正干焦1個月的時間,所以貓熊仔囝才會細細隻。了解遮的小智識,後回看著貓熊,無的確會感覺閣較趣味。

延伸閱讀
最新生活新聞
行動版 電腦版