救難衫全血 台積電張淑芬到花蓮慰問.捐新衫

消防人員佇前線救災,無論沐佮歸身軀血、抑是現場亂糟糟,攏是一種誠䆀的記持。台積電慈善基金會的董事長─張淑芬,4月初7就來到花蓮消防局,欲了解救難人員的需求佮心聲。

身為救護義消大隊長,也是花蓮慈濟醫師的吳坤佶就共救災時的問題反映出來。張淑芬也利用紙條,收集消防人員的需求,伊講政府雖然有伊的管道,但是企業的動作會比較較緊。

張淑芬表示,經過伊了解救難人員佮家屬、上需要的就是心理諮商,除了欲招募全國有意願的心理治療人員,加入行列,也希望用上緊的速度招標,予全國義消消防換新制服,伊講行這逝嘛予伊體會著家己嘛有脆弱的一面。

延伸閱讀
最新生活新聞
行動版 電腦版